ច្បាប់អំពែរ

Unknown February 10, 2013

នៅក្នុងម៉ាញ៉េតូស្តាទិច ច្បាប់អំពែរ(ឬទ្រឹស្ដីបទអំពែរ) អាចអោយយើងគណនាតំលៃនៃដែនម៉ាញ៉េទិចបង្កើតឡើងដោយចរន្តអគ្គីសនី។ ទ្រឹស្ដីនេះទំរង់អាំងតេក្រាលរបស់សមីការម៉ាកស្វែល-អំពែរ។ ទ្រឹស្ដីនេះត្រូវបានរកឃើញដោយអង់ដ្រេ ម៉ារី អំពែរ និងជាសមមូលរបស់ច្បាប់ហ្គោសក្នុងអេឡិចត្រូស្តាទិច។

ពំនោលច្បាប់

ចរន្តអគ្គីសនី I បង្កើតដែនអាំងឌុចស្យុងម៉ាញ៉េទិច B

ក្នុងរបបស្ទើរអចិន្ត្រៃយ៍ឬអចិន្ត្រៃយ៍ ច្បាប់អំពែរពោលថា៖ «សៀកគុលឡាស្យុងតាមខ្សែកោងបិទជិតដែលហ៊ុំព័ទ្ធរបាយចរន្តអគ្គីសនី នៃដែនម៉ាញ៉េទិច ស្មើនឹងផលបូកពិជគណិតរបស់ចរន្ដដែលកាត់តាមផ្ទៃមុខកាត់នោះ។ គេសរសេរ៖
$\oint_{\tau}\vec H \cdot\mathrm d \vec l = \sum I$
រឺ
$\oint_{\tau}\vec B \cdot\mathrm d \vec l = \mu \cdot \sum I$
ដែល

$\oint_{\tau}$ តំនាងអោយអាំងតេក្រាលខ្សែកោងតាមខ្សែកោងបិទជិត $\tau$ ,
$\vec H$ ជាដែនម៉ាញ៉េទិច,
$\vec B$ ជាដែនអាំងឌុចស្យុងម៉ាញ៉េទិច,
$d \vec l$ ជាចំរៀកដ៏តូចនៅលើខ្សែកោងបិទជិត $\tau$ ,
$\mu_0$ ជាពែរមេអាប៊ីលីតេនៃមជ្ឈដ្ឋានជុំវិញ,
$\sum I$ ជាផលបូកពិជគណិតនៃអាំងតង់ស៊ីតេចរន្តអគ្គីសនីដែលកាត់តាមផ្ទៃហ៊ុំដោយខ្សែកោង $\tau$

អំពីចរន្តអគ្គីសនីដែលហ៊ុំព័ទ្ធដោយខ្សែកោង

យើងអាចចែកប្រភេទចរន្តអគ្គីសនីដែលហ៊ុំព័ទ្ធដោយខ្សែកោងជាច្រើនករណី៖

បើសិនជាចរន្តនោះជាចរន្តមានរបាយមាឌ ដែលមានដង់ស៊ីតេ $\vec j$ នោះអាំងតង់ស៊ីតេនេះគឺ៖

$I=\iint_S \vec j \cdot\mathrm d\vec S$

បើសិនជាចរន្តនោះជាបណ្ដុំចរន្តខ្សែច្រើន $I_i$ នោះអាំងតងស៊ីតេនេះគឺ៖

$I=\sum I_i$ ប្រយ័ត្ន៖ ដោយសារតែវាជាផលបូកពិជគណិត គេត្រូវតែដៅទិសរបស់ខ្សែកោង ដើម្បីកំនត់ទិសដៅចរន្តវិជ្ជមាននិងអវិជ្ជមាន។

បើសិនជាចរន្តនោះជារបាយផ្ទៃ ដែលមានដង់ស៊ីតេ $\vec k$ នោះអាំងតង់ស៊ីតេចរន្តនេះគឺ៖

$I=\int_l \vec k \cdot\mathrm d\vec l$

Tags

រូបវិទ្យា

Newer
Older