ពិនិត្យ​មើល​សមត្ថភាព និង​តម្លៃ​​ទូរស័ព្ទ iPhone 5S ថ្មី

យោង​តាម​​គេហ​ទំព័រ​ប្រភព​បាន​ឲ្យ​ដឹងថា Apple នឹង​រំពឹង​ថា​ iPhone 5S នឹង​ចេញនៅ​ថ្ងៃទី ១០ កញ្ញា​នេះ សូម​លោកអ្នក​តាម​ដាន​ជាមួយ​សំបុកអាយធី នូវ​តម្លៃ Hardware និង Software ។ Apple នៅ​តែ​ជាស្តេច​នៅពេល​ដែល​ចេញ​ផលិតផល​ថ្មី​ម្តងៗ គឺ​តែ​ង​តែ​មាន​អ្នក​រង់ចាំ​ទិញ និង​ចង់​ដឹង​ពី​រូបរាង​ព្រម​ទាំង​សមត្ថភាព​​របស់​ផលិតផល​ទាំង​នោះ ។

នៅ​សប្តាហ៍​នេះ មាន​ព្រឹត្តិ​ការណ៍​ពិសេស​មួយ​បាន​កំណត់​ថា iPhone 5S នឹង​ចេញ​នៅ​ឯ Cupertino, California ម៉ោង ៦​ល្ងាច GMT ថ្ងៃ​អង្គារ ទី១០​ កញ្ញា​នេះ​ ។

iPhone 5S: Hardware

មិន​ខុស​ពី iPhone 4S ដែល​បន្ថែម​តួនាទី និង​សមត្ថភាព​លើ​ iPhone 4 ប៉ុន្មានទេ នៅលើ iPhone 5S ក៏​មាន​ការ​បន្ថែម​មួយ​ចំនួន​ដូចគ្នា​ ដែល Apple អាច​ធ្វើ​ឲ្យ​ការ​ប្រែ​ប្រួល​ទាំង​នោះ​នៅ​តែ​មាន​ការ​ចាប់​អារម្មណ៍​ខ្លាំង​ ពី​អតិ​ថិ​ជន​ទូទាំង​ពិភព​លោក ។
តាម​ប្រភព​បង្ហាញ​ថា​រូបភាព​ដែល​នឹង​បន្ថែម​មក​លើ​ iPhone 5S គឺ​សមត្ថភាព​កាមេរ៉ា​ដែល​មាន Flash ដល់​ទៅពីរ Dual Flashes ដើម្បី​ជួយ​​បង្កើន​សមត្ថ​ភាព​ថត​នៅ​ទី​កន្លែង​ងងឹត (Low Light Performance )​ ។

iPhone 5S នឹងដំណើរ​ការ​ជាមួយ​ Processor ថ្មី A7 chip រួម​ជាមួយ RAM 2GB ដែល​វា​ផ្តល់​ថាមពល​ដ៏​ពេញ​លេញ​សម្រាប់​​បង្កើត​ល្បឿន​ទូរស័ព្ទ​ឲ្យ​ដំណើរ​ ការ​​បាន​យ៉ាង​ល្អ​ប្រសើរ ។

iPhone 5S: Software

iPhone 5S នឹង​ដំណើរ​ការ​ជាមួយ iOS 7 ដែល​បាន​ដាក់​ឲ្យ​ប្រើប្រាស់​សាកល្បង​កាលពី​ខែ​មិថុនា​នេះ
ល
ម្អិតពី iOS 7

តម្លៃ​សន្និ​ដ្ឋាន

iPhone 5S នឹង​ចេញ​លក់​ក្នុង​តម្លៃ 829.95 ដុល្លារ (£529)- 16GB, 939.77 ដុល្លារ (£599) – 32GB និង 1096.66 ដុល្លារ (£699) – 64GB ។ អ្វី​ដែល​ពិសេស​ជាង​គេ​នោះ​គឺ iPhone 5S អាច​នឹង​ចេញ​លក់​ម៉ូដែល​ថ្មី​ដែល​មាន​ទំហំ​រក្សា​ទិន្នន័យ​ (storage) រហូត​ដល់ 128GB និង​មាន​តម្លៃ 1255.12 ដុល្លារ (£800) ។