សព្វថ្ងៃនេះមាន​វីឌីអូ​​​ជា​​ច្រើន​ដែល​ត្រូវ​បាន​គេ​ធ្វើ​ការ​ បញ្ចូល​នៅ​​ក្នុង​​បណ្ដាញ​សង្គម Facebook ។ យ៉ាង​ណា​មិញ​​​​ក្នុង​ចំណោម​វីឌីអូ​ទាំង​នោះ​​​គឺ​ តែង​តែ​មាន​វីឌីអូ​​មួយ​ចំនួន​ដែល​យើង​ពេញ​ចិត្ត​និង​ចង់​ទាញ​យក​​​ដើម្បី​ ទុក​ទស្សនា​នា​ពេល​ក្រោយ ឬ​ទុក​ជា​ឯកសារ ។ ​ដោយ​ឡែក​​មិន​មែន​តែ​វីឌីអូ​ដែល​នៅ​​ក្នុង​​បណ្ដាញ​សង្គម Facebook តែ​មួយ​នោះ​ទេ តែ​​នៅ​មាន​វីឌីអូ​ជា​ច្រើន​ទៀត​ដែល​ត្រូវ​បាន​​គេហទំព័រ​មួយ​ចំនួន​​​​ បញ្ចូល​ទៅ​ក្នុង​គេហទំព័រ​ផ្ទាល់​ខ្លួន​របស់​គេ ​និង​ជា​វីឌីអូ​ដែល​យើង​ចង់​ទាញ​យក ។
ដោយ​យោង​តាម​ហេតុផល​ខាង​លើ ​ពេល​នេះ​ ពពក ​សូម​ណែនាំ​នូវ​កម្មវិធី​បន្ថែម​នៅ​លើ​កម្មវិធី Chrome ​មួយ​​ដែល​មាន​ឈ្មោះ​ថា “FVD Video Downloader” ​ហើយ​កម្មវិធី​​នេះ​នឹង​ជួយ​ដល់​លោក​អ្នក​ក្នុង​ការ​ទាញ​យក​វីឌីអូ​ពី Facebook ឬ​​ពី​គេហទំព័រ​មួយ​ចំនួន​ដោយ​ងាយ​ស្រួល ​មិន​តែ​ប៉ុណ្ណោះ​វា​ក៏​អាច​ធ្វើ​ការ​ទាញ​យក​​ MP3 ផង​ដែរ ។​ ប៉ុន្តែ​អ្វី​ដែល​​​គួរ​ឲ្យ​​សោក​ស្ដាយ​គឺ​កម្មវិធី​បន្ថែម “FVD Video Downloader” ​ ​មិន​អាច​ធ្វើ​ការ​ទាញ​យក​វីឌីអូ​ពី Youtube បាន​នោះ​ទេ ​ហើយ​​ប្រសិន​បើ​ទាញ​បាន​គឺ​មាន​តែ​ក្នុង​ករណី​​​​វីឌីអូ​ youtube នោះ​ត្រូវ​បាន​គេ​​​ភ្ជាប់​បញ្ចូល​នៅ​លើ​គេហទំព័រ​​​ណា​មួយ​ប៉ុណ្ណោះ ​​តែ​ក៏​មិន​អាច​សុទ្ធ​តែ​ទាញ​យក​បាន​ដែរ​គឺ​មាន​វីឌីអូ​ខ្លះ​អាច​ទាញយក​បាន និង​ខ្លះ​ទៀត​មិន​អាច​ទាញ​យក​បាន​នោះ​ទេ ។
របៀប​ដំឡើង​កម្មវិធី “FVD Video Downloader” ​​ក្នុង​កម្មវិធី Chrome ៖
  1. បើក​កម្មវិធី Chrome
  2. ចុច​លើ​តំណ​ភ្ជាប់​នេះ​ “FVD Video Downloader”
  3. ​សូម​ចុច​លើ​ពាក្យ​ ” ADD TO CHROME”
  4. ពេល​មាន​​ផ្ទាំង​សារ​​​បង្ហាញ​មក​​សូម​​​​ចុច​លើ​ “​Add” រួច​រងចាំ​​មួយ​រយៈ​ជា​ការ​ស្រេច
ចំពោះ​របៀប​ប្រើ​អ្នក​នឹង​ទទួល​បាន​​​ដូច​រូប​ខាង​ក្រោម​នៅ​ក្នុង​កម្មវិធី​ Chrome របស់​អ្នក ។


​នៅ​ពេល​ដែល​អ្នក​ចុច​ play វីឌីអូ​ដែល​​កំពុង​ស្ថិត​នៅ​នោះ​កម្មវិធី​នេះ​នឹង​មាន​ប្រាប់​ឲ្យ​ដឹង​ពី​វីឌីអូ​ដែល​អាច​ទាញ​យក​បាន ។
ទស្សនា​វីឌីអូ ៖
ប្រភពពីYouTube