ទូរស័ព្ទ iPhone 6 គ្រោងចេញជាមួយទំហំអេក្រង់ 4.8 អ៊ីញ

ចាន់ វណ្ណា (HeNa) October 13, 2013

លោក Misek ដែលជាអ្នកវិភាគរបស់ក្រុមហ៊ុន Apple បាននិយាយថាទូរស័ព្ទ iPhone 6 នឹងផ្តល់ជូននូវទំហំអេក្រង់ 4.8អ៊ីញ ខណៈដែលទំហំអេក្រង់ពីមុនមានតែត្រឹម 4អ៊ីញ។ លោកពុំបានបញ្ជាក់អោយច្បាស់ទេថាតើអ្វីដែលជំរុញអោយគាត់ គ្រោងទុកដូច្នោះតែលោកគ្រាន់តែបានបញ្ជាក់ថា ទំហំអេក្រង់ថ្មីនឹងមានការអភិវឌ្ឍបន្ថែមច្រើន។ គួរបញ្ជាក់ផងដែរថា ប្រមាណជា 50% នៃទូរស័ព្ទ Smart Phones ដែលលក់ចេញក្នុងមួយត្រីមាសចុងក្រោយនេះ មានទំហំអេក្រង់ធំជាង 4អ៊ីញ នេះបើតាមការប្រៀបធៀបត្រឹមតែ 20% ដើមឆ្នាំ ។ លោក Misek បានសរសេរថា៖ មាន iPhone 85 លានគ្រឿង ដែលត្រៀមខ្លួនរួចជាស្រេចក្នុងការ Updgradeនៅពេលដែលទូរស័ព្ទ iPhone 6 ចេញ។ ជាមួយនឹងការទស្សន៍ទាយនេះ វាពុំធ្វើអោយមានការភ្ញាក់ផ្អើលទេដោយសារតែមានរបាយការណ៍ជាច្រើន ដែលបានស្នើសុំអោយមានការពង្រីកបន្ថែមលើទំហំអេក្រង់សំរាប់ទូរស័ព្ទ iPhone ម៉ូដែលក្រោយទៀត។បើតាមការស្ទង់មតិ មិនផ្លូវការលើ អ្នកអាន CNET បានអោយដឹងថា វាមានចំនួនប្រមាណជា 60% នៃបណ្តាលអ្នកអានដែលចង់អោយ iPhone ម៉ូដែល ក្រោយមានអេក្រង់ទំហំ 4.7អ៊ីញ រឺក៏ធំជាងនេះ។