HTC One Max គឺ​ជា​ទូរស័ព្ទ​ទំនើប​​ដែល​ជា​ប្រភេទ Phablet មាន​អេក្រង់​ធំ​របស់​ក្រុមហ៊ុន HTC ដំបូង​​ត្រូវ​បាន​ប្រកាស​ចេញ​កាល​ពី​​ប៉ុន្មាន​ខែ​មុន​នេះ នឹង​ជា​ទូរស័ព្ទ​ទំនើប​​ទី​ពីរ​បន្ទាប់​ពី​​ទូរស័ព្ទ​ទំនើប iPhone 5S របស់​ក្រុមហ៊ុន​ Apple ដែល​មាន​បំពាក់​ដោយ​បច្ចេកវិទ្យា​សំគាល់​ក្រយៅ​ដៃ (fingerprint) ។


ក្រោយ​ពី​បាន​ចេញ​លក់​នូវ​ HTC One Max ម៉ូដែល​ពណ៌​ខ្មៅ​នៅ​ ហុងកុង​កាល​​ពី​សប្ដាហ៍​មុន ពេល​នេះ​ក្រុមហ៊ុន HTC ទើប​បាន​ប្រកាស​ចេញ​​លក់​នូវ HTC One Max ម៉ូដែល​ពណ៌​ក្រហម​ថ្មី​នៅ​ក្នុង ​ទីផ្សារ​តៃវ៉ាន់​ ដែល​​ជា​​ទីកន្លែង​រោងចក្រ​ និង​ជា​មណ្ឌល​កណ្ដាល​របស់​ក្រុមហ៊ុន​ផ្ទាល់ ។
​ទូរស័ព្ទ​ទំនើប HTC One Max ត្រូវ​បាន​បំពាក់​ដោយ​អេក្រង់​ទំហម 5.9-inch Full HD ​មាន​បញ្ចូល​នូវ​ឧបករណ៍​សំគាល់​ក្រយៅ​ដៃ​នៅ​ផ្នែក​ខាង​ខ្នង​នៃ​ទូរស័ព្ទ​ ដែល​​ធ្វើ​ឲ្យ​ទូរស័ព្ទ​អាច​រក្សា​បាន​សុវត្ថិភាព​ខ្ពស់​សម្រាប់​អ្នក​ប្រើ និង​អាច​រក្សា​បាន​ភាព​ស្រស់​ស្អាត​ដដែល ។ ដោយ​ឡែក​ចំពោះ​ទូរស័ព្ទ​ទំនើប HTC One Max ដែល​មាន​ពណ៌​ក្រហម​បច្ចុប្បន្ន​មាន​លក់​ហើយ​នៅ​ក្នុង​​ទីផ្សារ​តៃវ៉ាន់​ ក្នុង​តម្លៃ NT$23,900 (ប្រហែល​ $804.) ​តាម​រយៈ​នេះ​ យើង​សង្ឃឹម​ថា មិន​យូរ​​ទេ​ ​ទូរស័ព្ទ​ម៉ូដែល​ថ្មី​នេះ នឹង​អាច​នាំ​ចូល​មក​ដល់​ទីផ្សារ​កម្ពុជា​យើង​ក្នុង​ពេល​ឆាប់ៗ​ខាង​មុខ ៕