មាន​មនុស្ស​ភាគច្រើន​ពួកគាត់​ជា​អ្នក​អង្គុយ​ធ្វើការ​មួយថ្ងៃ​៨​ម៉ោង​គឺ​ តែងតែមាន​បញ្ហា​ឈឺសន្លាក់​ជាប្រចាំ​។​ហើយ​ពួកគាត់​ក៏​មិនបាន​ដឹងថា​តើ​មូល​ ហេតុអ្វី​ទើប​បណ្ដាលឱ្យ​គាត់​មាន​បញ្ហា​នេះ​នោះទេ​។​ផ​ប​ហ្សូ​ន​អាស៊ី​សូម​ ជម្រាបជូន​ថា​បញ្ហា​ទាំងនេះ​គឺ​ដោយសារតែ​ពួកគាត់​មិនបាន​យកចិត្ត​ទុក​ដាប់​ ក្នុងការ​អង្គុយ​របស់គាត់​។​ដូច្នេះ​លោកអ្នក​គួរតែ​អង្គុយ​ឱ្យបាន​ ត្រឹមត្រូវ ដើម្បី​ធ្វើឱ្យ​សុខភាព​របស់ខ្លួន​ដំណើរការ​បានល្អ​និង​ស្របតាម​ក្បួនខ្នាត​ នៃ​វិធីសាស្ដ្រ​អង្គុយ​។​ខាងក្រោម​នេះ​ផ​ប​ហ្សូ​ន​អាស៊ី​សូម​បង្ហាញ​ពី​ ចំណុច​ត្រឹមត្រូវ​មួយចំនួន​ដូចខាងក្រោម​មក​បង្ហាញជូន​៖
- ត្រូវ​គិត​អំពី​កំពស់​របស់​កៅអីៈ ត្រូវ ​រៀបចំ​ឱ្យមាន​លក្ខណៈ ប្រហាក់ប្រហែល​នឹង​ប្រវែង​នៃ​កំភួនជើង ដោយ​គិត​ចាប់ពី​គន្លាក់អាចម៍​ឆ្ពោះទៅ​បាតជើង​ដើម្បី​ងាយស្រួល​បានដាក់​ជើង​ ឱ្យ​ស្មើនឹង​ផ្ទៃ​ឥដ្ឋ​។​
- រូបរាង​នៃ​កៅអី​មិន​ត្រូវឱ្យ​ទន់​ផត​ពេកៈ បើសិនជា​លោកអ្នក​អង្គុយ​នៅលើ​កៅអី​ពូក​ផត​ខ្លាំង​នឹង​ធ្វើឱ្យ​ ឆ្អឹងកញ្ចូញគូទ​ដែលជា​មូលដ្ឋាន​នៃ​ឆ្អឹងខ្នង​ទាំងអស់​មាន​ភាព​កោង​(​ខ្នង​គម ​)​។​
- ពូក​កៅអី​មិនគួរ​ឱ្យមាន​លក្ខណៈ​ ផត ​ជ្រៅ និង កន្លែង​ផ្អែក​មិនគួរ​ឱ្យនៅ​ឆ្ងាយ​ពេក  បើសិនជា​លោកអ្នក​ផ្អែក​មិន​ដល់ និង ត្រូវ​ផ្អៀងខ្លួន​ទៅខាង​ក្រោយ​ខ្លាំងពេក​នឹងធ្វើ​ឱ្យ​ខ្នង​កោង​ដែរ ។ គួរ​មាន​កន្លែង​ផ្អែក​សម្រាប់​ជួយ​រុញ​ខ្នង​ឱ្យ​ស្ថិតនៅត្រង់​តាម​ធម្មជាតិ​ ។​
- កន្លែង​ដាក់​ដៃ​ឬ​ភ្នាក់ដៃ ត្រូវ​ស្ថិត​ត្រឹម​កែងដៃ​និង​កដៃៈ ការ ​មាន​ភ្នាក់ដៃ ក្រៅពី​ជួយ​ដៃ​ឱ្យមាន​សុខភាព​ល្អ​ហើយ​នោះ​ថែមទាំង​ជួយ​ដងខ្លួន​ឱ្យ​ឡើងមក​ ត្រង់​បាន​ដោយ​មិនចាំបាច់​ផ្ដេកផ្ដួល​ទៅលើ​ការ​ចុក​រោយ​នៃ​ឆ្អឹងខ្នង​ឡើយ ។​