របៀប Jailbreak លើ iPhone, iPad ឬ iPod Touch ដំណើរការ ...

អរគុណសម្រាប់ការគាំទ្រនូវវេបសាយសំបុករៀនយើងនិងខិតខំស្វែងរកនូវព័ត៏មានវិទ្យាល្អៗសម្រាប់ក្នុងការចែករំលែកដល់អ្នក យើងខ្ងុំមានទទួលបង្កើតវេបសាយក្នុងតម្លៃសមរម្យ web: www.sombokrean.com Email: sombokrean855@gmail.com Tel: 086888896 ប្រហែលមានប្រិយមិត្តប្រើ iOS device មិនតិចនាក់ទេដែលបានទន្ទឹងរង់ចាំវត្តមានប្រព័ន្ធប្រតិបត្តិការ ចេញថ្មីចុងក្រោយ iOS 6.1 ជាផ្លូវការ ហើយក៏បានទន្ទឹងរង់ចាំ Untethered Jailbreak ជាយូរណាស់មកហើយដែរ។ តែរហូតមកដល់ពេលនេះ Jailbreak បានបង្ហាញវត្តមានជាផ្លូវការហើយ។
Jailbreak ប្រព័ន្ធប្រតិបត្តិការ iOS 6.1 នេះគឺធ្វើឡើងដោយក្រុម Evad3rs ដែលបានប្រើប្រាស់កម្មវិធី Evasi0n ជា tool សម្រាប់ Jailbreak។ ខាងក្រោមនេះ ជាជំហានងាយៗសម្រាប់ jailbreak iOS 6.1។ ដូច្នេះដើម្បីឱ្យបានយល់ជ្រួតជ្រាប សូមតាមដាននិងអនុវត្តតាមជំហានខាងក្រោមទាំងអស់គ្នា៖
១) ត្រូវមានកម្មវិធី Evasi0n នៅលើម៉ាស៊ីនកុំព្យូទ័រជាមុនសិន តែបើពុំទាន់មានទេ អាចចុចលើតំណភ្ជាប់ខាងក្រោមដើម្បីទាញយក ដែលកម្មវិធីនេះអាចដំណើរការបាននៅលើប្រព័ន្ធប្រតិបត្តិការ កុំព្យូទ័រចំនួន ៣ ផ្សេងគ្នាគឺ៖

- Evasi0n សម្រាប់ Windows ទំហំ 9.8MB
- Evasi0n សម្រាប់ Mac ទំហំ 9.6MB
- Evasi0n សម្រាប់ Linux ទំហំ 9.2MB

២) តែ ក៏ត្រូវមាន firmware iOS 6.1 សម្រាប់ Restore ឬ update លើ iOS device របស់អ្នកសិនដែរ ដោយប្រើកម្មវិធី iTunes។ ប្រសិនពុំទាន់មានអាចចុចត្រង់នេះ ដើម្បីទាញយក Download iOS 6.1។
៣) ត្រូវដោះ passcode បានកំណត់នៅលើ iOS device ចេញសិន។ បើធ្លាប់បានកំណត់ សូមបិទវិញ (disable) ដោយចូលទៅ Settings → General → Passcode Lock → Off

៤) ត្រូវបិទទាំង iTunes និង Xcode មិនឱ្យដំណើរការឡើយ។
៥) ចាប់ផ្ដើមបើកកម្មវិធី Evasi0n ដែលមាននៅលើកុំព្យូទ័ររបស់អ្នក ដោយចុច Mouse ស្តាំ រួចជ្រើស Run As Administrator។

៦) ធ្វើការភ្ជាប់ iOS device ដែលចង់ Jailbreak៖

-iPhone ចាប់ពីជំនាន់ (3GS ឡើងទៅ)
-iPad ចាប់ពីជំនាន់ (iPad 2 ឡើងទៅ និង iPad mini)
-iPod touch ចាប់ពីជំនាន់ (iPod touch 4 ឡើងទៅ) ជាមួយ PC ឬ Mac ហើយត្រូវប្រាកដថា ការភ្ជាប់នោះគឺបានជោគជ័យហើយ។

៧) បន្ទាប់មកចុចលើប៊ូតុង Jailbreak រួចហើយរង់ចាំ software ដំណើរការ jailbreak មួយរយៈពេលតាមដំណាក់កាលរបស់វា។

៨) រង់ចាំ ដោយមិនត្រូវប៉ះលើ iOS device ឬធ្វើអ្វីផ្សេងនៅលើកុំព្យូទ័រខណៈពេលកំពុង jailbreak នោះឡើយ។
៩) នៅ ពេល jailbreak ដំណើរការចប់សព្វគ្រប់ហើយ អ្នកចាំបាច់ត្រូវ unlock iOS device ដោយនឹងឃើញ icon កម្មវិធី “jailbreak” នៅលើ homescreen។ ត្រង់នេះសូមចុចលើរូប Jailbreak ពេលនោះ screen របស់ device នឹងប្រែជាពណ៌ខ្មៅរយៈពេល ២-៣វិនាទី។ រង់ចាំរយៈពេលមួយស្របក់ក្រោយមក វានឹងដំណើរការចូលមកដល់ home screen វិញ។

១០) រង់ ចាំឱ្យវាដំណើរការដោយខ្លួនឯងរហូតបានសម្រេចភ្លាម នោះវានឹងបង្ហាញឃ្លា “Jailbreak complete!” បន្ទាប់ពីនោះ device របស់អ្នកនឹង reboot ៣-៤ដងដើម្បីបំពេញ Jailbreak ឱ្យសម្រេចជោគជ័យចុងក្រោយ។ ក្រោយពេល Jailbreak ជោគជ័យហើយ អ្នកនឹងមាន Cydia នៅលើ home screen នៅលើ device របស់អ្នក។

ជា ចុងក្រោយ សូមដំណើរការ Cydia នៅលើ iOS 6.1 ដែលមាននៅលើ home screen របស់ device។ ត្រូវដំណើរការ Cydia ដែលដំបូងឡើយចាំបាច់ឱ្យអ្នកប្រើប្រាស់ជ្រើសរើសប្រភេទ user ដែលមានដូចជា (user, developer ឬ hacker) ជាការស្រេច។ យ៉ាងម៉េចហើយ តើប៉ុណ្ណឹងច្បាស់ហើយឬនៅ? បើពុំទាន់ច្បាស់ទេ សូមបន្តទស្សនាវីដេអូឃ្លិបខាងក្រោមបន្ត៖